بعض اعطال شاشات الكمبيوتر واصلاحها

السلام عليكم ورحمة الله وبركاته

1- عطل الشاشة مش بتقوم واللمبة مش شغالة على الرغم ان المكثف الكبير واصل
له 280 فولت تمام والا ى سى بتاع البور على البن رقم 7 واصل 12 فولت تمام
والموسفت واصل له 280 فولت على الرجل اللى فى المنتصف والترنس واصل له دخل
ومفيش خرج يبقا العيب ممكن يكون اكيد فى عدم وصول السيجنال الى الموسفت
وبالتالى لا تصل اشارة للترنس لكى يعمل اذا يجب انا نراجع خط وصول السيجنال
الى الموسفت فوجدنا ان المقاومة اللى على هذا الخط عاملة open وبالتالى
لا تصل اشارة الى الموسفت ومرة اخرة كان الزينر عامل short ويقوم بتفريغ
الشارة على الارضى فعند تغيرهم الشاشة تشتغل ان شاء الله
2- الشاشة مش بتقوم واللمبة مش شغالة لكن المكثف الكبير واصل له 280 فولت
لكن اى سى الباور مش واصل للبن رقم 7 الفولت المناسب وهو من 12 الى 18 فولت
او مش واصل له فولت خالص وعند رفع الاى سى يصل على مكان البن رقم 7 الفولت
بتاعها فيكون الاى سى بتاع الباور عامل شورت فنقوم بتغييرة ولا تشتغل
الشاشة ايضا لكن البن رقم 7 وصل الفولت بتاعها فنقوم بقياس الموسفت على
الرجل اللى فى المنتصف فنجد انه لا تصل 280 فولت لك الترنس واصل له 280
فولت من المكثف فنقوم بمتابعة خط تغذية الموسفت من الترنس لان الموسفت يأخذ
تغذيتة من الترنس وهى 280 فولت فنجد ان هناك مقاومة عاملة open على هذا
الخط فنقوم بتغيرها والشاشة مش راضية تقوم بردوة نتابع السيجنال فنجد ان
هناك مكثف عامل شورت على خط تغذية الموسفت بالسيجنال فنقوم بتغييرة فتعمل
3- اللمبة تضىء وتطفى والمكثف الكبير لا يصلة 280 فولت اذا فتكون المشكلة
فيما قبلها وهو دائرة التوحيد فنقوم بمراجعة الدايودات فنجد ان هناك دايود
عامل شورت فنقوم بتغييرة بنفس رقم الديود القديم التالف فنجد ان الشاشة
تعمل بأذن الله
4- اللمبة تضىء والجهاز يحمل لكن مفيش صورة لما تغلق الشاشة وتفتحها تعطى
صورة لحظية وتختفى حتى يفتح ويندوز الجهاز وتثبت الصورة العطل هنا مكثفات
وفعلا كان هناك مكثف منفوخ شوية بجوار اللاين فنفوم بتغييرة فتعمل الشاشة
بكفاءة بأذن الله
5
- عطل الشاشة قاطعة اللون الاحمر وعرفنا انها قاطعة اللون الاحمر عن طريق
برنامج paint بتاع الويندوز ونشوف اللون الازرق والاخضر ولا نرى الاحمر
موجود وبالتالى فانها قاطعة اللون الاحمر اول حاجة ممكن نشك فى سوكت كابل
الداتا طيب نقوم باختبار السوكت عن طريق الافو بوضع البازر بين نهاية
الكابل المثبت فى كارت الالوان والسوكت فنقوم باختبار بن بن من السوكت على
كل طرف فى نهاية الكابل فنرى ان طرف الكابل الاحمر لا يعمل بازر على الافو
ونهاية الكابل وبالتالى فانه غير موصل لذلك يجب تغيير سوكت الكابل فنقوم
بقص الكابل القديم لكن يجب معرفة لون كل طرف على رقم البن على السوكت
والسوكت مكون من 15 بن مكتوب على 5 و 5 و 5 فنسجل ارقام البنات واللوان
اطرفها ونقوم بتركيب الجديد فى ضوء الكابل القديم ويمكن تحديد رقم البن
ولونها عن طريق طرفى الافو على وضع البازر

على فكرة انا معنديش صور للاسف وكمان الاعطال دى انا قابلتها بنفسى
واعذرونى لانى فعلا لسة جديد فى المهنة ولما بقابل عطل اى عطل ان شاء الله
هكتبة علشان ربنا يجزينا بية خير ان شاء الله حتى ولو بسيط فاعذرونى لو
كانت اعطال بسيطة بس دى بالنسبة لى كانت مرهقة لحد ما عرفت احلها خصوصا انى
مبتدىء
والسلام عليكم ورحمة الله وبركاتة

منقـــــــــــــــــــــــــــــــــــــول