حلوة سهلة التحضير

السلام عليكم و رحمة الله و بركاته،

اليوم جبت ليكوم هاد الحليوة ساهلة بزاف و مافيهاش مقادير كثيرة و كتجي زوينة فالمذاق و المنظر، أنا دائما كنديرها و كتصدق زوينة

يلاه نبدو على بركة الله،

المقادير:

125غ
زبدة أو مركرين (أنا استعملت مركرين المائدة) + 1 كاس سنيدة + 1 كاس زيت +
1 بيضة (أو 2 إلا بقات ليك العجينة مفرتتة شوية) + قشرة حامضة أو ليمونة
(أو شوية منهوم بزوج) + 1 خمارة + الدقيق حسب الخليط

الطريقة:

بحال
العادة كنخلطو الزبدة و السنيدة مزيان حتى نحصلو على كريمة (ما نساوش
نضيفو قبيصة دالملح)، كنضيفو البيضة و نخلطو من بعد القشرة دالحامض و
الزيت، كنخلطو مزيان ثم فالأخير الدقيق مغربل مع الخمارة.

كنشكلو كويرات و نبركو بالفورشيط، أو كنشكلو كويرة ثم نحربلوها شوية عاد نبركو عليها بالفورشيط باش تجي طويلة شوية.

كطيب
في فن متوسط الحرارة، و فاش يلاه تخرج تكايسي و نتي كتهزيها يت هشية بزاف.
فاش تبرد زينيها بالشكلاط و الكوك، أو المربى دالفريز و الكوك.... أنت و
ذوقك
كنتمناو تجربوها

خليكوم مع الصور الموضحة

حلوة سهلة التحضير D6f9euybrql0xsq3b7xk

» ماسكوتشا سهلة التحضير
» حلوة سهلة جداااااااااااا
» كيكة الكريم كراميل بالصور . كيكه لذيذه جداا و طريقة التحضير سهلة + مقادير بسيطة
» حلوة الطبقات
» بيتزا سريعة التحضير