الغزالات تهناو من الحبوب قبل ميخلي ليكم الاثر في وجهكم بلاريال بلا جوج اقسم بالله العلي العظيم

السلام عليكن اخواتي الكريمات ورحمة الله تعالى وبركاته
انا لا اريد منكن شكرا او مدحا فقط دعوة بظهر الغيب في صلواتكن ان ربي يسر اموري ويحقق لي في بالي ان شاء الله
وصفتي موجهة لكل وحدة كتعاني من حب الشباب او حبوب عادية بلا ريال بلا جوج بلا خسران وصفة من الحبيب المصطفى صدق الامين عليه وعلى اهله افضل الصلاة والسلام
هاد الشهرين اخواتي ظهر في وجهي بعض الحبات مخليت مدرت لهم باش ايحيدو شيرلي والعسل الحر
auréomycine
بومادا صفرة ديال العينين هي وشيرلي ودرتها هي بوحدها
درت ريفوديرم الحمرا ............. والو واش بغا يحيد غي ما كيتزاد العدد وكل صباح نلقا 4 او 5 الحبات جداد والمشكل انه يبرا ازرق في وجهي واخة منقربلوش
المهم طلع لي الدم مزيااااااااااااااااااااااااااااااااااااااااااااان وكلت محال واش غادي يحيد وكلت وجهي كامل غادي يعمر حبوب الى بقا يتزاد بهاد الطريقة

حيث حتى بومادا مخليت مدرتها وحتى وصفة طبيعية مخليتها
كل مكندير ليه شي حاجة غي يزيد يحمار ويوضاح في وجهي ويكثر

طولت عليكم الغزالات ندخلو المهم باش ميطلعلكمش الدم بحالي

المهم طلبت الله في صلاتي وكلت يا ربي نلقا شي حاجة تحيد مني هاد الحبوب لي حرت معاه وحتى حاجة مقدات فيه

المهم واحد المرة كنت نقرا في الانترنيت وقريت واحد الحديث ديال الرسول صلى الله عليه وسلم افضل الصلاة والسلام
صليو عليه وسلمو افضل الصلاة والسلام على الحبيب المصطفى الصادق الامين
قريت الحديث ديال ان الرسول صلى الله عليه وسلم كان يستعمل التراب في التداوي
"ياخذ من تربة الارض ويقول :بسم الله الرحمن الرحيم ." تربة ارضنا بريقة بعضنا تشفي سقمنا باذن ربنا "

المهم بقيت نفيق في الصباح نصلي لفجر ونخرج قدام الباب ناخد شوية التراب من الحوض ديالنا حيث قدامنا غي الشارع ومافيه تراب هههههههههه
وندخل لدار وناخد شوية التراب لي تقدني لبلاصة الحبوب لي في وجهي ونديرها في ايدي و حشااااااااااااااااااااااكم كنجمع التراب بالتفال اي البساق حتى يولي بحال الخليط وكنديرها على الحبوب وانا كنردد " بسم الله الرحمن الرحيم .تربة ارضنا بريقة بعضنا تشفي سقمنا باذن ربنا "

اقسم بالله انك كتحسي ان الحبات بحال الى كيتجمعو
وجوج المرات كتشوفي الحبوب نشف والبعض ختافى سبحان الله وبعد التكرار يختفي باذن الله

انا دابة نحمد الله ونشكرو الحبوب لي في وجهي بدا كيختفي المهم مبقاش كيبان ونشف حيث يلا درتها 2 مرات وكلت نكولها البنات لي كيعانيو مساكن بحالي وربي يشفيهم بحالي
وحاجة ثانية قبل ما كندير التراب منين كنكون كنتوضا كنغسل وجهي بي novobac صابونة
مكنجي نصلي حتى كينشف وجهي وكندير ليه التراب
يلا الغزالات داويو وجاهكم دغيا وتهناو من الحبوب بحالي
ومديروش بحالي تبقاو تخربقو والحبوب كيتزاد حتى يدير لكم الاثار بحالي . انا ندمت لي مدرتها منين بان في وجهي ولكن مكنتش عارفة دابة نتوما مديروش غلطتي

فيقو صلو الفجر وديرو الماسك التراب وغادين تشوفو الفرق من اول مرة
وعندها دعيو معاي ربي يسهل اموري ويحقق لي كل ما كنتمنا

ملحوظة : انا قلت تراب الفجر ماشي اي تراب وتخلطوه بالبساق ونتموما كتوضعوه على الحبوب تكولو دعاء المصطفى الحبيب "بسم الله الرحمن الرحيم. تربة ارضنا بريقة بعضنا تشفي سقمنا باذن ربنا " وتخلوه ينشف على وجهكم من بعد تغسلوه عادي

بارك الله فيكي موضوع مميز ورائع جد

الغزالات تهناو من الحبوب قبل ميخلي ليكم الاثر في وجهكم بلاريال بلا جوج اقسم بالله العلي العظيم E0bace9db0

» الغزالات تهناو من الحبوب قبل ميخلي ليكم الاثر في وجهكم بلاريال بلا جوج اقسم بالله العلي العظيم
» طريقة اشتغال الجزيرة +9 .10 اقسم بالله انها شغالة
» أسنان ناصعة البياض اقسم لكم بالله جربتها شخصيا و النتيجة فورية
» ليكم كتاب كامل متكامل لصيانة النوكيا
» المجموعة الكاملة لكاربكاتير الشهيد ناجي العلي