اجي تولي غزااااااالة فمدة قصيرة بصور كلشي مجرب الكل مغربي

الجسم
صافي كملنا من الشعر نجيو للجسم جسمك فيه 16 لون كلى مكان فلون او مصافيش او مزوينش بسهولة ترديه غزال لكن الى فقتي من نعاسك باركة من العكز راه كيغوت جسمك منك ههههه
غتمشي عند العطار تاخدي معاك 140 ريال صافي شري درهم حناء + درهم عرعار +درهم خزامة+ درهم ورد +درهم غاسول عادي +درهم ازير+درهم الخرقوم بلدي صافي هي 140 ريال جيبيهم دقيهم او غربليهم بعد ما تنقيهم او خوضيهم بالماء طايب مع الاسكينول الى كنتي حادقة صاوبي الاسكينول طبيعي فدارك او لا ديري غير الماء طايب بوحدوا غنعطي طريقة الاسكينول من بعد المهم خوضيه او خليه حتى يبرد ها الشكل متاعوا


حيدي حوايجك كاملين او وجدي شي سروال لاصق او تريكوا لاصق سخطات عليه موا هههه لانوا هو لي غتلبسي على دواء دهني جسمك كامل مزيان او خليك شوية حتى تيبسي او لبسي دوك الحوايج او بقاي نهار كامل حتى ليل الى كنتي مزوجة غسلي الخليط بالماء فقط او غيري حوايجك الى كنتي باقي بلا زواج ديري مابغيتي حكيه على جسمك غيبدا يتحيد غيبقى غير لي لصق فاللحم او تخليه اليوم تاني نفس الشكل عاود دهنيه او خليه حتى ليل او غسليه بالماء بوحدوا بدوووووووون صابون او حتى حاجة المهم انت وحداقتك 3 ايام 4 او 7 او انت مستمرة على الوصفة انت وحداقتك نهار الاخير وجدي ازير لي غكوني درتي نصوا مع الخليط او نصوا خبيتيه غتجبديه دابة غيكون مدقوق او مغربل باش يكون رقيق بهاد الشكل



خلطيه مع الصابون البلدي دخلي للحمام او شللي بالماء مزيان او دهني بالصابون البلدي او ازير او خليك واحد الشوية عاد بداي تتحكي او اجي تشوفي شنوا غيوقع راه لحم الخايب غتخليه فالحمام او غتخرجي بلحم كيحمق بياض او رطب او لون واحد بلا كترت الوان هههههه خرجي من الحمام دهني جسمك بكريم مرطب انا تنستعل هادا داير شي 150 درهم لكن راااااااااائع سميتوا DEEP WHITE تيبيض او تيحيد تراس واخا يكون قديييييم ها صورة متاعوا


او لا تستعملوا كريم عادي تمن ديالوا 40 درهم تقريبا مبقيتش عاقلة لكن دوروا غير ترطيب الجسم

صافي ولى جسمك رائع الان متنسايش مزيل العرق انا تندير دوف ريحتوا راقية او امن اما بعض الانواع راه خطار بزاف على الصحة كيدير 20 درهم فقط


كملتي من جسمك او شعرك باقي ليك شكلك واش فيه شي بطن شكلها غريب او انت جسمك متناسق او لا ادا بلا رياضة بلا صداع ديري عصير او صوبا كما لي غيقادوا ليك جسمك او شربي فيهم قداش ما بغيتي نبداو بصوبا الكرعة الخضرة مع الكامون او البصلة او شوية تزيت العود او سكنجبير ديريهم فطنجرة مع الماء حتى يطيبوا او طحنيهم فمولينكس او طبخيهم عاود شوية حتى تختار او ديريها هي عشاك اما الغداء عنداك تجمعي بزاف تلبروتينات فحال الى كليتي الخضار متاكليش الخبز او الروز او الى كليتي الروز متاكليش اللحم المهم حاجة وحدة كلي منها مزييييييييييييان تضعافي بسررررررررعة مدهلة او هادشي راه مجرب او عن تجربت الحالات لي عندي او ضعافوا او فالعشاء غير صوبا تالكرعة الخضراء صافي


او عصير الى كنتي فحالي من محبي العصائر دربي عصوفرين بحجر واحد او ديري هاد العصير

خودي زوج حامضات او حطيهم فالكونجلي حتى يجمدوا حكي القشرة متاعهم او حيدي القشرة البيضة او قطعيهم او حيدي الزريعة ديريهم فمولينيكس مع ليتر ماء او فاني او السكر حسب الرغبة او طحنيهم من بعد صفيهم او شربي العصير بارد راه لديد او تيحيد الدهون كدالك او خصوصا فالكرش باش تولي فصالتك غزالة الى لقيتي اي فرصة تديري فيها حركات لكرش مع مساج بالكمون او سكنجبير او خل التفاح للكرش باش تمشي او تخلي جسم متناسق
الاسكينول الطبيعي
دابة بعد الحمام فاليوم التاني او الايام الاخرى لابدة من العناية كل مرة للوجه او الركابي او الاكواع لهدا الاسكينول طبيعي غيجي دوروا طريقتوا ساهلة قشور حامضة + قشور ليمونة + زوج معالق كبار بابونج + معلقة ملحة + ليتر ماء ديريهم كاملين طنجرة غليهم مزيان خليهم حتى يبردوا او صفيهم دريهم فقرعة عندك او لا شي قرعة خوات من شمبوان باش تكبي منوا شوية الفقطن فكل استعمال الى كانت بشرة وجهك حساسة متستعمليهش ستعمليه غير الكوع او الركابي او الاماكن لي مطبعة او كحلة
وغتشوفي نتيجة راااااائعة معاه تبيض او تنقية غزالة
او فالاخير هادوا بعض الكريمات لي ممكن تستفد منهم اي امراة بزاف هادي بوماد متخطاكش فين ما تحرقتي ولى تضربتي فشي بلاصة متهمليهاش حتى تولي كلك مزوقة هي متخليش ليك تراس نهائيا تمنها رخيص معقلتش عليه هههه

العينين دابة
هادوا خنيشات لعينين الوقاية خير من العلاج واخا ميكونوش الهالات السوداء ديريهم باش ينعشوا العينين او يحافضوا عليهم راه موجودين فمرجان بثمن قليل دريهم فالماء طايب بليل باش تنعسي بهدوء راه تيهدئ الاعصاب شربيهم او الخنيشة حطيها فوق عينيك راه متاوع البابونج

هادوا كريمات باش تعتني بالبشرة متاعك



active c كريم غزال مصحح للبشرة تمن متاعوا 350 درهم تقريبا لكن راه تيقاد البشرة مزيان او تيخليها رائعة
dove كوماج زوين تيفتح البشرة لكن الاصلي لي مزيان تمنوا شي 30 درهم
svr كريم ترطيب للاماكن الجافة بزاف زوين او مرطب درجة اولى
deep white قلت ليكم عليه قبيل غزال بزاف للجسم او على ضمانتي لي تتعاني من شي تراسات
soladerm اكرون تشمس تصور غير من ظهر مهم عنداكم تخليو وجهكم لشمس او يديكم كل 2 ساعات عاودوه الى كنتوا فشمس
cadea كريم خاص باليدين او اللحم ريحتوا راااائعة منقوكموش كيف عاملة ممكن تديريه فاي وقت محتاجة ريحت جسمك تكون غزالة
veet لنزع الشعر لكن منصحكومش بيه
الان سالينا مع الشعر او الجسم او الوجه باقي غير تطبيق او شي دعوات منكم اخواتي متنساوش راه وقت طويل او انا تنكتب الموضوع نتمنى تاخدوا منوا ولو غير وصفة وحدة