عايز تشتغل وتحترف سونى اريكسون اتفضل ادخل

السلام عليكم ورحمة الله وبركاته

كثير من الاخوه العاملين بالسوفت وخاصه السونى اريكسون .. يتبادر اليهم كثير من المصطلحات دون معرفه ما المقصود بها او باى منطقه فى الجهاز تستخدم ..النهارده هنتكلم عن المصطلحات اللى بنشوفها فى شغلنا

(الشغل وانت فاهم وعارف ...احسن من الشغل وانت ...؟؟
ندخل فى الموضوع علشان مطولش عليكم

CID
ده رقم الاصدار بتاع الحماية اللى موجوده عالتليفون .. طبعا مبرمجيين السونى اريكسون حاطين الحماية عشان يمنعوا اى حد غير مراكز الخدمه انه بيلعب السوفت وير - واللى بيعتبر ملكية للشركة - و المقصود باللعب هو تنزيل سوفت او فك شفرة الخ ...
ارقام ال cid الموجوده حاليا على هواتف السونى هى 29\36\37\49\50\51\52\53 وطبعا ل 53 هو الأكثر امانا من وجهة نظر الشركة ..

وبيكون مكتوب فى قراءة البوكس كده
EROM CID: 52

=============================

CDA

ده رقم بيوضح نوع السوفتوير بتاع انى منطقة... يعنى الشرق الاوسط ليه CDA .. اوروبا ليها CDA مختلف .. و بيساعد برنامج التحديث انه يختار اللغة الصحيحة للموبايل المراد تحديثة ... عشان كده اللى تليفونه عربى قبل التحديث هيفضل عربى بعد التحديث ...

كمان بيفرق فى وظيفة زرار ال TASK MANAGER لأن التليفون ممكن ينزل تبع شبكات معينه ... والشبكة بتغير وظيفة الزرار ده بتخليه مثلا للرد عالمكالمات ... او تخليه يفتح صفحة الشبكة الرئيسية على الانترنت
وللأسف هو لازم ينزل عالتليفون وألا التليفون هيديك configuration error ...
الملفات المسؤله عن ال CDA اسمها CUSTPACK او بلغة السوفت
الكوستوميز

وبيكون مكتوب بالطريقة دى
CDA: CDA102568/6 R4A
==========================
DB2000/2010/2012/2020/3150/3120 / pnx5230

هيه تركيبه الهاتف من الداخل من هاردوير ومميزات وسوفت ونلخصها انها
تركيبة الهاردوير الاساسية ( hardware platform )
بمعنى ان كل db ليه خصائص معينه .. وعامة انا لاحظت ان رقم ال DB بيفرق فى مميزات التوصيل والشبكة زى فى اجيال النوكيا dct4 wd2 bb5
نوضح اكثر علشان الكل يستوعب

ال pnx5230 زى ال W350, W380, Z310, Z555
تليفونات بسيطه مفيهاش 3g مفيهاش wifi كاميرا 1ز3 ميجا( عادة مش دايما ومش بتصور فيديو


ال تليفونات ال DB2000 زى الV800, W900, Z800 ,k600,z500,z1010
تتميز بوجود 3g من غير wifi من غير فيديو كول كاميرا


التيفونات ال db2010 / وال db2012 زى ال K300,K500,K700,K750,S700,W300,W550,W800,Z520,Z530
امكانيتها متوسطة لكن بدون 3g و بدون wifi
..... الخ

بتكون موجوده فى قراءة البوكس كده
Platform: DB2020
========================

نيجى بقا لكلمات بتكون غايبه عن غالبيه الناس وهم
BLUE/BROWN/RED :

الغالبيه بيشوفو كلمه red فى اسم الفلاشه واحنا بنزلها طب معناها ايه وايضا بيشوف اسم brown
بص يا سيدى


BLUE دى تليفونات تم تجميعها فى المصنع و لم يتم برمجتها .. و دى نادر اوى تلاقيها

BROWN هى التليفونات اللى بتنزل قبل الاصدار الرسمى .. واللى بتروح لمواقع زى GSMARENA عشان يجربوا التليفون و يقولوا رأيهم فيها ... و عادة بتكون التليفونات دى " متكروتة " او مش متقفله كويس.. السوفت مش مظبوط كده يعنى ... لأنها لغرض الاختبار فقط


RED هو التليفونات اللى احنا بنشتريها

وبتكون مكتوبه كده
EROM Color: Red
========================

gdfS
(global data file system)
ترجمتها الداتا الخاصه بمناطق الهاردوير والمسؤله عن غالبيه الاوامر مثل داتا الشحن وداتا البلوتوث ...االخ


E-ROM
اختصار ل Extended Rom


.. ده الجزء الاساسى فى السوفتوير .. مهما نزلت سوفتوير عمرك ما بتغير الجزء ده .. و ده المسؤول عن عملية تنزيل السوفت للتليفون .. و هو برضه اللى بيتولى عمليه فتح التليفون لما تدوس عالباور ...

طبعا هما - مبرمجى السونى اريكسون - عملوا حماية عالايروم- ال CID - عشان لو تم اختراق ال CID ال EROM يقفل التليفون .. وده طبعا مش بيحصل
وبتكون موجوده بالشكل ده
EROM: R3A016
===================

EMMA

هو اسم السوفتوير المستخدم فى مراكز خدمة السونى اريكسون ... وده طبعا بيعمل اى حاجة وكل حاجة فى التليفون .. بداية من البرمجه الى تغيير السوفت و فك القفل و فك التشفير تغيير رقم ال CID و فعلا كل حاجة ..
و طبعا البرنامج مش بيشتغل غير عن طريق بطاقة زكية- زى بتاعت ميناتل - بتبعتها الشركة لمراكز الخدمة .. عشان البرنامج ميتسربش .. وفعلا لغاية دلوقت البرنامج غير ممكن استخدامه الا فى مركز الخدمة
و طبعا كل فترة الشركة بتبعت بطاقة جديدة عشان البرنامج ميتسربش
=============================

SEUS

اختصار ل Sony Ericsson Update Service
وهو برنامج تحديث السوفت وير عن طريق الموقع الرسمى للسونى اريكسون

============================


FOTA
اختصار ل Firmware Over The Air

طبعا اكيد كلنا ظهرتلنا مرة شاشة بتقول software update reminder و مفهمناش هى ايه .. و هو ببساطة تنزيل تحديث عن طريق الانترنت بتاع التليفون .. و ده طبعا خطر .. عشان لو رصيدك خلص او الشبكة وقعت السوفت هيطير .. ده غير انه فعلا خطر على الرصيد
بس ميزته انك ممكن تعمل تحديث وانت قاعد عالقهوة من غير الحاجة لكمبيوتر او توصيل انترنت


===============================

FIRMAWARE

هو السوفتوير اللى احنا بننزلة عالتليفون .. كلمة FIRMWARE بتتقال على ملفى ال MAIN و FS
ملف ال FS يحتوى على اللغات.. الاصوات.. الصور .. الاعدادات ..الكونتاكتس


ملف ال MAIN هو السوفت الاساسى ..

الفلاشة MAIN بتكون مكتوبه كده
K800_R8BF003_MAIN_GENERIC_WI_RED53.mbn


K800 .......هو موديل الموبايل

R8BF003 ......هو رقم اصدار السوفت


MAIN .....ان ده ملف ال MAIN مش ال FS عشان محدش يخلط بينه
م
GENERIC ........ معناها الاصلى ...و هى ان السوفت ده مش محدد لشبكة معينة .. بمعنى ان الموبايل بينزل فى معظم دول العالم بال GENERIC فى حين ان السوفت اللى بينزل للصين بيبقة اسمه CHINA


RED ..... طبعا مفهوم وشرحته قبل كده ..

WI .......دى بقى اختصار للاسم الكودى للتليفون .. لأن شركة السونى اريكسون بتدى كل موبايل جديد فى مرحلة التصنيع والتطوير اسم كودى لمنع تسريب الامكانيات والاسم الاصلى للموبايل ...
زى ال IDOU وال HIKARU
الاسم الكودى بيكون اسم انثى ( اسم بنت يعنى )
ال k800 اسمه wilma فطبعا اختصارها WI
ال w810 اسمه helen واختصارها HN

53: هو رقم ال CID و طبعا بيختلف ..
و تأكد دايما انك تنزل السوفت المناسب لموبايلك .. يعنى نفس ال CID و نفس الموديل


ملف ال FS بيكون اسمه زى كده
k800_r8bf003_fs_m_east_n_afr_red52.fbn


K800 ....... هو موديل الموبايل

R8BF003 ...... هو رقم اصدار السوفت

FS ...... ان ده ملف ال FS مش ال MAIN


M_EAST_N_AFR ........ او الشرق الاوسط وشمال افريقيا
ده بيوضح اللغات اللى هتنزل عالتليفون ( عربى ,انجليزى ,فرنساوى ,فارسى ) وهى اللغات المستخدمة فى الشرق الاوسط وشمال افريقيا

ممكن تبقى مثلا C_asia ودى بيبقى فيها لغات انجليزى ,عربى ,روسى ,تركى ,اوكرانى

ممكن تبقى S_asia_levan وفيها لغات انجليزى ,عربى ,روسى ,عبرى , فارسى ,فرنساوى
منقوووووووووووووول حتى الكل يستفيد