شبت حريقة في بيت منيرة والسبب عبود

في يومن من الأيام عندما كنت صغيرووون ذهبت إلى المدرسة ونجحت<<< يستهبل
هل تريدون خلاصة الموضوع
هذا يومن إني صغنون كنت بريء وخلوق ومؤدب <<< ايه باين
منتم بمصدقيني طيب :
مرة كنت صاحي الساعة 6 الصباح وكنت طفشان وحتى صقيقتي أم قرون حمر كانت نايمة وأنا ما اقدر أعيش من دونها <<< لاتصدقون مجرد حكاية
ومن زود الطفش رحت للمستودع اللي في بيتنا أبغى أشوف وش مخبي فيه أبوي أمس
لقيت كفر سيارة وش سالفته ما ادري
قام بليس وسطرني قال لازم تسوي شيء لعنبوك لك سنة ما سويت شيء
قلت أنا ابشر بعزك وش تبي بس
قال خذ
قلت وش هذا
قال هذي ملعقة عشان تحرك فيها مخك وصدقني راح تطلع بنتيجة
قلت طيب
وأقوم أحرك مخي الين صار مهلبية
وطلعت بنتيجة غير متوقعة
قمت وجبت ولاعة وفي رواية أخرى قداحة واللي ما يعرف يسأل اقرب مدخن
ورحت للمستودع وأشعلت النار في الكفر
شوفوا شوفوا البراءة بس شوفوا الأدب شوفوا المخ وش يسوي لاصار مهلبية<<< تصلح قصيدة
أنا جاني إحساس وصفقني كف ونشبني بالجدار واكتشفت أني سويت جريمة جريمة يعاقب عليها القانون
وأبوي عز الله انه بيضحي فيني
قمت اركض وادخل المطبخ والوالدة تشوفني وحاسة إني مسوي شيء بس ما قالت شيء بلاها ما تدري وش مسوي عبود المؤدب
قمت أخذت كوب ماء وكبيته على النار <<< شوفوا الذكاء بس
وما فيه فايدة وارجع واكرر نفس الحركة ما فيه فايدة
وجميع المحاولات باءت بالفشل
عبود يوم شاف ما فيه أمل راح الحبيب وركب السيكل وقام يلعب بالشارع <<< ما سوى شيء أبدا
طلعت خدامة عمي وشافت الدخان وراحت وعلمت أمي والناس شافوا الدخان وهات ركض لبيتنا حتى الجيران بعد
أنا أشوف الناس مجتمعة وأروح واقلط معاهم أبي أشوف وش السالفة <<< يعني ما سويت شيء إلى الحين
طبعا الحمد الله عدت على خير
وأبوي عرف من المجرم بس للأسف طلع المجرم عنده واسطة ولا كان علووووووووم<<< أمه الواسطة
وتصبحون على خير
ما يستفاد :
لا تلعب بالنار
ولا تقوم الساعة 6 الصبح وأنت ماعندك شغل
الرجاء عند النقل كتابة منقول