شي نكيتات باش تقضيو......واللي ما شرا يتنزه.

هدي واحد البنانة و فريزة مدابزين..البنانة تاتعاير فالفريزة يا محببة الوجه مايشوف فيك حد المهم ما خلاتش ليها.ناضت الفريزة وهيا تقول للبنانة شتي على هاد القفازة ديالك ديما تا يحيدو ليك السروال.

واحد الجنرال وقف على واحد العسكري وسولو شحال 1+1 جاوبو العسكري 3.الجنرال طلع ليه الدم وصعر وبدا تايعاير فيه يا المكلخ يا الفاعل يا التارك و قال ليه والو نتا ما تبقاش فالقشلة جمع حوايجك و الله يعاونك.ناضو صحابو بداو تايقولوا للجنرال عطيييييه فرصة.....عطييييه فرصة.....عطييييه فرصة.الجنرال شاف هداك الديكور قال واخا نعطيوه فرصة و هو يسولو عاوتاني شحال 1+1 العسكري صاحبنا تخلع و تدهشر و هو يجاوب على الله 2....و هوما ينوضوا صحابوا عطيييييه فرصة....عطيييه فرصة.

واحد الحديقة ديال الحيوانات بداو تايموتو ليهوم الحيوانات و ما عندهمش باش يشريوهم.جابو واحد السيد و gالو ليه غادي نلبسوك بحال السبع و نديروك فالقفص و نعطيوك 100 درهم للنهار....gال ليهم واخا...أرا لينا واحد النهار حلو ليه القفص ديالو باش يخرج يدور و هو يتحل تا ديال النمر....اوا بدا صاحبنا عتقوا الرووووح أ عباد الله وا النمر غادي ياكلني.....وهوا ينطق النمر:سكت أ صاحبي شوهتينا.

واحد الجوج مشاو تايسكرو بعاد على الدوار..اوا بقاو على الشراب تا جابو الكاو وما بقى عندهم جهد باش يمشيو تا للدوار....دورو راسهم بان ليهم واحد الحمار حاشاكم gالو أرا نركبو عليه..هيا هاديك ركبو و باش يgولو أرا بالتبويقة بداو تايgولو للحمار شا..شا...شا...والو الحمار ما زادش من بلاصتو.نقز هداك لي لور gال لصاحبو عطي لمو بهاديك القرعة للراس يزيد. صاحبو ماشي من المعاgيز نزل على الحمار...الحمار بحر الدقة بدا تايعوج ف عنقو..وهو ينقز عاوتاني صاحبنا gال لصاحبو:عاود عاود لمو شي دقة راه تايقلب على الحجر.